ሁለት የኢትዮጵያ ቅርሶች ከዴንማርክ ተመለሱ

በዴንማርክ የነበሩ ጥንታዊ የግእዝ መድብሎች ወደ ኢትዮጵያ መመለሳቸውን የኢትዮጵያ ቅርስ ባለሥልጣን አስታወቀ።

በ1950ዎቹ እና በ1960ዎቹ ኢትዮጵያ ውስጥ ይኖሩ ከነበሩ ስዊዲናዊያን ቤተሰቦች ሁለት ታሪካዊ እና ሃይማኖታዊ የብራና የጽሑፍ ቅርሶች በዛሬው ዕለት ወደ ሀገር መመለሳቸውን ታውቋል።

በ1950ዎቹ ኢትዮጵያ ውስጥ በተለያዩ የሥራ ዘርፎች ተሰማርተው ይኖሩ ከነበሩ ሲውዲናውያን ቤተሰቦች አንዷ የሆኑት ወ/ሮ ክርስትል ዌስትላንድ ሃርቡ ባለቤታቸው ከኢትዮጵያ ወደ ዴንማርክ ይዘውት የወጧቸው ሁለት ቅርሶች ነበሩ።

በ16ኛው ክፍለ ዘመን የተጻፈ አንድ የግዕዝ መዝሙረ ዳዊት እና አንድ የግእዝ መልክዓ-ማርያም የግል የጸሎት መጽሐፍ በራሳቸው ተነሣሽነት ለስዊዲሽ የወዳጅነት ማኅበር ማስረከባቸውን ነው ያሳወቁት።

ከተቋቋመ 70 ዓመታን ያስቆጠረውን የስዊዲናዊያን የወዳጅነት ማኅበርን ላለፋት ስድስት ዓመታት በሊቀመንበርነት የሚመሩት ኢትዮጵያዊው ስዊዲናዊው ዶክተር ቢንያም ወንድሙ  ደግሞ ቅርሶቹን ወደባለቤቷ ኢትዮጵያ በማምጣት ለኢትዮጵያ የቅርስ ባለሥልጣን አስረክበዋል።

ዛሬ በኢትዮጵያ ብሔራዊ ሙዚየም በተደረገው የቅርስ ርክክብ ሥነ-ሥርዓት የስዊዲናዊያን የወዳጅነት ማኅበር ሊቀመንበር በዶክተር ቢንያም ወንድሙ እና በኢትዮጵያ የቅርስ ባለሥልጣን ዋና ዳይሬክተር ረዳት ፕሮፌሰር አበባው አያሌው መካከል የቅርስ ርክክብ ተከናውኗል።

የቅርስ ርክክቡ ሲደረግ

የኢትዮጵያ የቅርስ ባለሥልጣን ዋና ዳይሬክተር አበባው አያሌው ከሀገር የወጡ ቅርሶች ለማስመለስ የተደረገውን ጥረቶችን በተመለከተ ባደረጉት ንግግር፣ ባለፉት ዓመታት ከኢትዮጵያ ብሔራዊ የቅርስ አስመላሽ ኮሚቴ ጋር በመተባባር በተለያዩ ጊዜ ከሀገር የወጡ ቅርሶችን በማስመለስ ረገድ የተሻለ እንቅስቃሴ እንደነበረ ተናግረዋል።

ዘንድሮም ብሔራዊ ኮሚቴውን በማጠናከር የተሻለ የቅርስ ማስመለስ ሥራ እንዲያከናወኑ የበኩላችንን ጥረት እንደሚደረግ ነው የገለጹት።

በዕለቱ በቅርሱ መመለስ በየደረጃው የበኩላቸውን አስተዋጽኦ ላበረከቱ ግለሰቦችና ተቋማት የእውቅና የምስክር ወረቀት ተበርክቷል።

netevm.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.